Istida let etter seg fjell, dalar, elvar og strandområder i Ørskog, som i andre kystområder på Vestlandet. Fjella er små sidearmar ut frå den fjellkjeda som stikk ut i frå Jotunheimen og lagar eit fast grenseskil mellom Sunnmøre og Romsdal. Ørskog har tre dalfører med elvar, Solnørdalvassdraget, Ørskogelva og Vaksvikelva. I kommunen er det godt jordsmonn på fine flater, skog med variert vegetasjon og rikt dyreliv, viker som gir rikeleg med fisk, som til sum har gitt godt livsgrunnlag for mennesker her i lange tider. Truleg var den faste busetnaden i Ørskog mellom dei tidlegaste i regionen. Den einaste øya i kommunen er det i dag ikkje busetnad på, men historisk har Langskipsøy vore viktig, både som sæte for sjøvernet (Valle skipreie) og som lasteplass for trelastutførsle.
